17-anyos dedo sa road crash
LEGAZPI CITY, Albay , Philippines — Nabasag ang ulo ng isang 17-anyos na rider matapos bumangga ang minamanehong motorsiklo sa steel barrier at humampas sa sementadong kalsada sa kahabaan ng national highway ng Purok-2, Brgy.San Isidro sa bayan ng Malilipot, Albay kamakalawa ng gabi.
Sinubukan pang isugod ng mga rumespondeng residente at pulis sa Ziga Memorial District Hospital sa Tabaco City pero idineklarang dead-on-arrival ang biktimang si John Erick Bilaos ng Purok-4, Brgy. Sta Teresa.
Sa ulat, dakong alas-11:50 ng gabi binabagtas ng biktima ang kahabaan ng highway patungong Tabaco City nang mawalan ng kontrol ang minamanehong motorsiklo at bumangga sa steel barrier.
Sa lakas nang pagkakabangga, tumilapon at humampas ang biktima sa gitna ng kalsada at napuruhan ang kanyang ulo na kanyang ikinasawi.
- Latest
