Rider tigok sa bundol ng nurse
TIAONG, Quezon, Philippines — Nabasag ang bungo at namatay noon din ang isang rider makaraang mabangga ng kasalubong na Ford Ranger na minamaneho ng isang lalaking nurse sa Maharlika Highway, Barangay Lagalag, dito kamakalawa ng gabi.
Sa ulat ni P/Lt. Col. Dennis De Leon, chief of police dito, nakilala ang biktima na si Mark Anthony Veronica, 24, may live-in partner at residente ng nasabing barangay habang nasa kustodya na pulisya ang driver ng Ford Ranger (ZJN-434) na si Felipe Alcantara, 51, may asawa ng Barangay Ibabang Dupay, Lucena City.
Ayon sa imbestigasyon, dakong alas-10:30 ng gabi ay sakay ng kanyang Sinski Motorcycle ang biktima at tinatahak ang highway patungo sa kanilang bahay nang mag-slide ito dahil sa dulas ng kalye bunsod ng pag-ulan. Tiyempo namang dumarating ang sasakyan ng suspek at nabangga ito na agad niyang ikinamatay.
- Latest