SUV vs armored car: 1 dedo, 6 sugatan
TUGUEGARAO CITY, Cagayan , Philippines — Isa ang patay habang anim ang sugatan sa salpukan ng SUV at armored vehicle ng bangko sa highway ng Brgy. Lalafugan, Lal-lo, Cagayan noong Biyernes.
Kinilala ng pulisya ang nasawi na si Greymar Barcarse, 39, drayber ng SUV na residente ng Brgy. Bangag, Aparri.
Lumalabas na nang-agaw ng linya si Bacarse dahilan upang masalubong niya ang rumaragasang armored car na minamaneho ni Manny Bacani, 34, dakong alas-3:30 ng hapon.
Naipit si Bacarse ng kanyang sasakyan sa lakas ng salpukan at patay na nang mairating ng mga sumaklolo sa Matilde Olivas District Hospital sa Camalaniugan kung saan inoobserbahan ang mga kasama niyang sina Keith Michael Unana, 18, at Winston Collado, 35.
Sugatan din ang drayber ng armored vehicle na si Bacani at mga sakay niyang sina Rico Caronan, 33; Emil Jerry Bosi, 31, at Panteleon Tattao, 25; pawang mga kawani ng bangko.
- Latest