Karambola ng 3 sasakyan: Lolong driver napisak
LUCENA CITY, Philippines — Patay ang 61-anyos na tricycle driver makaraang maipit sa karambola ng tatlong sasakyan sa Maharlika Highway na sakop ng Barangay Ibabang Iyam, dito kamakalawa Ang biktima na nagtamo ng grabeng pinsala sa ulo at katawan ay kinilalang si Felipe Pacaigue, may asawa ng Purok Narra, Barangay I Sabang.
Base sa ulat, alas-10:50 ng umaga ay binabagtas ng Toyota Wigo ni Vilma Yanoria, 52, ang nasabing highway subalit pagsapit sa tapat ng isang hotel ay binangga ito sa kaliwang hulihan ng humahagibis na Toyota Grandia van na minamaneho ni Henry Hermoso ng Gasan, Marinduque.
Dahil sa lakas ng pagkakabangga, bumangga naman ang isa sa sasakyan sa hulihang bahagi ng tricycle ni Pacaigue at nakaladkad pa ng 100 metro hanggang sa huminto sa tapat ng isang tindahan na doon ay naipit ang biktima sanhi ng kanyang pagkasawi.
- Latest