Pangangapit-barangay ipinagbawal sa Pampanga
Para maiwasan ang paglaganap ng COVID-19
PAMPANGA, Philippines – Para makontrol ang pagdami ng mga nahahawaan ng COVID-19, iniutos ni Pampanga Governor Dennis Pineda na ipinagbabawal muna ang pangangapit-barangay ng mga residente sa buong lalawigan.
Ibig sabihin, bawal munang pumasok sa isang barangay ang hindi naman residente lalo na kung ang pakay ay para lang mamasyal o makipag-tsismisan at makipagkwentuhan lamang.
Iginiit ni Pineda na mahirap na ulit magpasara ng mga business establishment kung babalik sa pinakamahigpit na lockdown o ECQ dahil kailangan ng negosyo para makabawi ang ekonomiya ng lalawigan.
Dagdag ng gobernador, kapag hindi naging epektibo ang pagbabawal sa pangangapit-barangay, itataas ito sa municipal level na ang ibig sabihin ay pagbabawalan na ring pumasok sa isang munisipyo o siyudad ang mga hindi residente lalo na kung hindi “essential travel”.
- Latest