Magtatay timbog sa marijuana
LUCENA CITY, Philippines — Magkasama hanggang sa kulungan ang mag-amang hinihinalang tulak makaraang makumpiskahan ng marijuana sa isinagawang anti-drug operation ng Lucena PNP Drug Enforcement Unit kamakalawa ng umaga sa San Antonio subdivision,Purok Little Baguio 2, Barangay Ibabang Dupay.
Kinilala ni PLt.Col.Romulo Albacea, chief of police dito ang mga naaresto na sina Jose Llona,56 at Jeorge Ojiel Llona, 19.
Ayon sa ulat, nakumpirma ng CDEU na patuloy na nagsasagawa ng illegal drug trade ang mag-ama kung kaya agad na ikinasa ang buy-bust dakong alas-7:35 ng umaga sa kanilang bahay.
Nakuha buhat sa pag-iingat ng mga suspek ang 10 plastic sachet na naglalaman ng pinatuyong dahon ng marijuana, isang pirasong P10 marked money at sling bag.
Ayon sa batang Llona, tatlong taon na siyang nagbebenta ng marijuana sa mga kabataan na malimit niyang parukyano.
- Latest
