4 ‘tulak’ timbog sa buy-bust
LUCENA CITY , Philippines — Apat na pinaghihinalaang tulak ng ipinagbabawal na droga ang naaresto ng mga operatiba ng City Drug Enforcement Unit (CDEU) sa sunud-sunod na buy-bust operation dito, kamakalawa.
Ayon may P/Lt. Col. Romulo Albacea, chief of police dito, unang naaresto sa Purok Matahimik, Brgy. Cotta dakong alas-3:10 ng hapon si Arnel Pontiveros alyas “Aso”, 28, binata na nakuhaan ng 7-plastic sachet ng shabu.
Sa ulat, alas-6:30 ng gabi nang malambat naman sa Purok Masaya, Brgy. Gulang-Gulang si Dhedey Mas, 25, binata na nakumpiskahan ng 9 plastic sachet ng shabu.
Hindi rin nakaporma at tuluyang naposasan ang dating barangay volunteer na si Napoleon Alfaro, 42 at isang Jason Afable, 39, na aminadong gumagamit at nagtutulak ng ilegal na droga matapos silang makumpsikahan ng anim na plastic sachet ng shabu.
- Latest
