4 lulan ng SUV patay sa ambush
NORTH COTABATO, Philippines — Apat katao ang nasawi makaraang ratratin ang sinasakyan nilang SUV ng mga ‘di pa nakilalang mga armadong suspek habang bumabagtas sa highway ng Brgy. Tubon sa Pigcawayan, dito sa lalawigan kahapon ng umaga.
Sa ulat na nakarating kay P/Col. Henry Villar, provincial director ng Cotabato Police Provincial Office, kinilala ang mga nasawi na sina Salahudin Usman, nasa hustong gulang at nakatira sa Brgy Simsiman, Pigcawayan; Sahabudia Kato Latip, 42-anyos ng SK Nuling, Maguindanao; Nor Ibrahim Baraguir ng Sultan Kudarat, Maguindanao at Muhalidin Esmail Amolan, 28-anyos ng Sultan Kudarat, Maguindanao.
Batay sa ulat, pinagbabaril ang sinasakyan nilang pulang Toyota Innova ng ‘di pa nakilalang suspek alas-6:30 ng umaga.
Narekober sa crime scene ang kalibre .45 na pistol, mga bala ng M-16 armalite.
Iniimbestigahan pa ng pulisya ang pamamaril.
- Latest