Trader itinumba sa agawan sa lupa
2 suspek nakilala ng biktima bago mamatay
Tiaong, Quezon, Philippines -- Pinagbabaril hanggang sa mamatay ang isang negosyante ng dalawang lalaking pinaniniwalaang kaagaw nito sa isang lupain sa Sitio Alvarez, Barangay Lusacan ng bayang ito, kamakalawa ng gabi.
Nagtamo ng mga tama ng bala sa ulo at iba’t ibang parte ng katawan ang biktimang si Ramon Miguel, 63, samantalang naaresto naman ang mga suspek na sina Joselito Cabangon at isang alyas Ramilo.
Ayon kay P/Lt. Col. Dennis de Leon, chief of police dito, dakong alas-8:45 ng gabi ay isinasara na ng biktima ang kanyang tindahan nang lapitan at paulanan ng punglo ng mga suspek gamit ang kalibre 45 at cal. 9mm.
Nang matiyak na napaslang na ang biktima ay mabilis na tumakas ang mga suspek subalit naaresto rin kinalaunan nang kilalanin ng una at sabihin sa anak na si Joel habang ito ay isinusugod sa pagamutan.
Lumalabas sa imbestigasyon na agawan sa lupa ang ugat ng krimen.
- Latest
