Retiradong parak dedo sa 6-wheeler truck
CALAUAG, Quezon, Philippines — Hindi na umabot pang buhay sa ospital ang isang retiradong pulis makaraang bumangga sa kasalubong na 6-wheeler truck ang sinasakyang motorsiklo sa highway na sakop ng Sitio hugos, Brgy. Sta. Maria, dito sa bayan kamakalawa ng hapon.
Base sa ulat ni PMaj. Jaytee Tiongco, chief of police dito, kinilala ang biktima na si retired PMSgt.Reynaldo Diaz, 53, may asawa at residente ng Barangay Sumilang.
Lumalabas na patungo sa kabayanan ang biktima at minamaneho ang kanyang Yamaha Mio 125 dakong alas-5:30 ng hapon nang pagsapit sa pakurbadang bahagi at basang kalye bunsod ng ulan ay nawalan siya ng kontrol sa manibela at kinain ang linya ng kasalubong na Bicol bound six wheeler truck (WPJ-360) na minamaneho ni Marvin Lovena na taga Camarines Norte.
Bumangga ang motorsiklo sa harapan ng trak kaya matinding pinsala ang inabot ng biktima. Mabilis siyang dinala sa St. Peter General Hospital subalit nalagutan ng hininga sa daan pa lamang.
- Latest
