12 opisyal, kawani ng 2 developers kinasuhan sa pagputol ng 45 pine trees
TUGUEGARAO CITY, Cagayan, Philippines - Isinampa ng piskalya kamakalawa ang kasong kriminal laban sa 12 opisyal at kawani ng dalawang real estate developer na umano’y sadyang nilason hanggang mamatay ang 45 na pine trees sa Baguio City kamakalawa.
Sinabi ni Baguio City Mayor Benjamin Magalong na nilabag ng Gateluck Corporation at Greatzone Enterprises ang Environment Code ng lungsod na nagbabawal ng sadyang pagkitil sa mga pamosong nilang pine tree.
Ayon kay Magalong, nakitaan ng piskalya ng ebidensiya ang ginawang pagbutas at pagsaksak ng lason ng mga kawani ng dalawang developers sa mga puno sa kahabaan ng Legarda road.
Ito ay upang unti-unting mamatay ang mga puno na nagsisilbing balakid sa proyekto ng dalawang kompanya.
Sinabi ni Magalong na may halos P1 milyon na halagang danyos ang inabot dulot ng pagkakasira ng mga puno.
- Latest
