Magdyowa nalambat sa P.2 milyong shabu
LUCENA CITY, Philippines – Arestado ang mag-live-in partner, isang lalaki na kabilang sa talaan ng mga bagong tulak ng ipinagbabawal na droga makaraang makumpiskahan ng shabu na aabot sa P.2 milyong halaga sa anti-drug operation ng Lucena PNP-DEU, PDEU, PDEA at 403rd Maritime group kamakalawa ng gabi sa Executive Village, Barangay Mayao Kanluran.
Kinilala ni P/Lt. Col. Romulo Albacea, chief of police dito ang mga nadakip na sina Randy Rivera, 43 at Perly Cuerdo, 34.
Isinagawa ng mga awtoridad ang buy-bust operation sa mga suspek sa kanilang bahay bandang alas-8:30 ng gabi.
Aabot sa 13 plastic sachet ng shabu na tumitimbang ng 9.8 gramo na nagkakahalaga ng P199,920.00, isang P500 marked money at mga drug paraphernalia ang nakumpiska mula sa mga suspek.
- Latest
