Magkaibigan nadulas sa ilog, patay
LEGAZPI CITY, Albay, Philippines — Kapwa patay ang dalawang magkaibigan matapos na parehong nadulas at nahulog sa malalim na bahagi ng ilog makaraang magkayayaan ang kanilang tropa na maligo sa Bicol River sa Zone-3, Brgy. Ombao sa Bula, Camarines Sur kamakalawa. Kinilala ang mga biktima na si Jenibeth Esta Saen, 14-anyos, residente ng nasabing lugar at Jerick Dacillo Morallo, 21, ng Brgy. San Agustin.
Sa ulat, dakong alas-2 ng hapon nagkasundo ang mga biktima kasama ang kanilang mga kaibigan na maligo sa Bicol River.
Gayunman, habang nasa tabi ng ilog ay aksidenteng nadulas si Saen at Morallo at nahulog sa malalim na bahagi. Kahit hindi marunong lumangoy ay sinaklolohan pa ni Morallo si Saen na nalulunod na hanggang sa pareho na silang lumubog.
Rumesponde ang mga residente at opisyal ng barangay pero pareho nang patay ang magkaibigan nang matagpuan.
- Latest