Ampatuan, Maguindanao nasa ‘state of calamity’
MAGUINDANAO, Philippines — Isinailalim na sa “state of calamity” ang Ampatuan, Maguindanao dahil sa nagpapatuloy na bakbakan ng mga sundalo at Bangsa-moro Islamic Freedom Fighters o BIFF sa bayan, iniulat kahapon.
Ito ay dahil sa patuloy na paglobo ng bilang ng mga pamilyang nagsisilikas mula sa kani-kanilang mga bahay kaya minabuti ng lokal na pamahalaan ng Ampatuan na magdeklara ng state of calamity upang magamit ang kanilang calamity fund sa pagbibigay ng tulong sa mga bakwit.
Nabatid na patuloy na naglulunsad ng air to ground assault ang militar sa kuta ng BIFF sa boundary ng Datu Hoffer at Ampatuan, Maguindanao. Patuloy ring tinutugis ng Joint Task Force Central ang grupo nina Kumander Salahudin Hassan at Shiekh Esmail Abdulmalik alyas Kumander Abu Toraife ng BIFF.
Sa ngayon, umaabot na sa 20 ang bilang ng mga nasawi sa BIFF habang apat sa panig ng militar.
- Latest