Palayan local execs Pinagpapaliwanag
Sa kasong graft
NUEVA ECIJA, Philippines — Pinagpapaliwanag ng Opisina ng Deputy Ombudsman for Luzon ang mga opisyal ng pamahalaan ng lunsod ng Palayan hinggil sa kasong katiwalian na isinampa laban sa kanila ng isang concerned citizen.
Sa dalawang pahinang dokumento na pirmado ni Director Joaquin F. Salazar, Preliminary Investigation, Administrative Adjudication and Prosecution Bureau, nakilala ang mga respondent na sina Palayan City Vice Mayor Moises A. Carmona Jr., ang mga konsehal na sina Larry M. Manapol, Romaric S. Capinpin, Rosalia Merez, at ang mga dating konsehal na sina Paul Michael O. Padolina, Jesusa V. Fajardo, Edgardo M. Piadozo, at Reynaldo T. Fernandez.
Hinihiling ng Ombudsman ang kanilang sagot o counter affidavit at mga supporting documents ng kanilang mga testigo laban sa kasong isinampa sa kanila.
Ito ay dapat masagot sa loob ng 10 araw at ipadala sa opisina ng Ombudsman ang nasabing Counter affidavit.
Ayon pa sa nasabing order, kapag hindi ito nasagot ay ikinokonsidera na nag-waive ang mga respondent at itutuloy na ang imbestigasyon sa naturang kaso.
- Latest