‘Siyete Palabras’ kanselado rin sa COVID

ANGELES CITY, Philippines — Pan-samantalang kinansela ang pagsasadula ng “Siyete Palabras” para sa Semana Santa o Holy Week sa da­rating na Abril 10, 2020 sa Brgy. Lourdes North West bilang pag-iingat sa matin-ding banta sa mamamayan ng 2019 coronavirus di-sease o COVID-19.

Ipinag-utos ni Angeles City Mayor Carmelo “Pogi” Lazatin Jr. na dapat sundin ang babala ng Department of Health (DOH) na bawal muna ang pagtitipon dahil sa banta ng COVID-19.

Taun-taon sa tuwing Undas ay isinasagawa ang pagsasadula kung paano pinahirapan ang ating Pa-nginoong Hesukristo na dinarayo ng mga deboto mula sa iba’t ibang lugar at mga turista kabilang ang mga banyaga upang saksihan ang mga nagpapanata na nagpapapako sa krus.

Hiling na lamang ng alkalde na imbes na tumu­ngo sa mga Siyete Palab­ras, Senakulo at iba pang pagti-tipon, taimtim na lamang na manalangin para maging ligtas sa lahat ng oras at mapuksa na ang kinatatakutang coronavirus sa buong mundo.