Welder hulog mula 6th floor

NUEVA ECIJA, Philippines  – Patay ang isang 47-anyos na obrero matapos na aksidenteng madulas sa scaffolding at mahulog mula sa ikaanim na palapag ng ginagawang gusali sa Brgy. Calaocan sa lungsod ng San Jose, noong Sabado ng umaga. Agad na isinugod pero binawian ng buhay sa Sacred Heart of Jesus General Hospital ang biktima na nakilalang si Crisostomo Jao, 47, may-asawa, isang welder o fabricator ng Zone 6, Brgy. Sto. Niño 1st, San Jose City. Bandang alas-8:40 ng umaga habang nasa ika-6 na palapag ang biktima ng ginagawang gusali ng BS Gripal Power Plant ay tumuntong ito sa scaffolding upang maabot ang iwe-welding nang aksidenteng madulas ito at bumagsak sa ika-2 palapag ng gusali.