2 Chinese huli sa pagdukot ng 3 kalahi
MANILA, Philippines — Dalawang Chinese national na nagtatrabaho sa Philippine Offshore Gaming Operator (POGO) ang dinakip sa isinagawang entrapment operation matapos dukutin ang tatlo nilang kababayang Tsino kahapon.
Kinilala ang mga nadakip na suspek na sina A Gui at Xiao Fan, na kapwa naninirahan sa Techwood Subdivision Barangay Soong, Lapu-Lapu City.
Sa ulat ng Cebu Police, madaling-araw nang ilatag ang operasyon kasama ang Anti-Kidnapping Group Visayas Field Unit nang makarating sa kanilang tanggapan mula sa Chinese Consu-late na tatlong Chinese national ang dinukot at itinago ng mga suspek sa isang subdivision sa Brgy. Mactan, Lapu-Lapu, Cebu. Dito, hinihingian ng mga suspek ng malaking halaga ang tatlong biktima kapalit ng kanilang kalayaan.
Hindi naman nakapalag ang mga suspek nang posasan ng mga otoridad habang ligtas ang tatlong biktima.
- Latest
