P23 milyong droga nasamsam sa Cordillera
CORDILLERA, Philippines — Umaabot sa P23.4 milyong halaga ng iligal na droga mula sa iba’t ibang operasyon sa rehiyon ang winasak ng Police Regional Office Cordillera (PROCOR)
Ayon kay PROCOR information officer Maj. Carolina Lacuata, nagresulta rin sa nasabing operasyon ang pagkakaaresto ng 40 katao dahil sa pagbebenta, pagdadala at pagkakaroon ng mga iligal na droga.
Sinabi ni Lacuata, P21 milyong halaga ng marijuana ang nakuha sa ilang bayan ng Benguet Provincial Police Office habang nasa P2.1 milyon sa Mountain Province.
Ani Lacuata, sa buwan ng Pebrero, nasa kabuuang 44 na police operations ang ginawa kung saan 40 drug suspects ang naaresto at nakumpiska ang nasa 68 sachet ng hinihinalang shabu; 2 sachet ng marijuana; 30ml ng marijuana oil; 3 marijuana tubes; 6 marijuana bricks; 68,924 marijuana plants; 2,100 seedlings; 9,500 marijuana stalks, at 46.51 kilo ng marijuana leaves na may kabuuang halaga na P23.42 milyon.
Apat na marijuana cultivators ang kinilala at kinasuhan sa paglabag sa Republic Act 9165 o Comprehensive Dangerous Drugs Act of 2002.
- Latest