‘Damo’ sa sapatos, stude tiklo

MANILA, Philippines — Arestado ang isang 16-anyos na estudyante dahil sa umano’y pagtatago ng pinatuyong marijuana sa loob ng kanyang suot na sapatos kamakalawa sa Aparri, Cagayan. Ayon kay P/Chief Master Sgt. Emmanuel Padul, Aparri Police Station, ang suspek na si Marc, (hindi tunay na pangalan) ay naaresto matapos na mapansin ng kanyang guro na may itinatago ito sa loob ng kanyang sapatos.

 Hindi umano mapakali ang suspek at iniiwasan ang guro habang palabas sila sa gate ng eskwelahan. Dahil dito kaya tinanong ng guro ang suspek na hubarin ang sapatos at dito nadiskubre ang isang sachet ng hinihinalang marijuana. Base sa salaysay ng suspek, ang marijuana ay galing sa kanyang kaibigan na estudyante rin sa kanilang paaralan.  Sa inisyal na imbestigasyon, ang marijuana na nakuha kay Marc ay mula sa Tuguegarao City.