Pekeng station manager, 4 pa timbog sa kotong
NORTH COTABATO, Philippines — Kulungan ang bagsak ng limang katao kabilang ang mga nagpakilalang station manager at program director ng T-Radio Davao sa ikinasang entrapment operation ng Magpet Police at Regional Intelligence Division 12 sa Brgy. Gubatan, bayan ng Magpet, dito sa lalawigan kamakalawa.
Kinilala ang mga suspek na sina Dominaor Turqueza Bancal, 50-anyos, nagpanggap na station manager; Michael Abonales Peralta, 46, nagpakila-lang program director; Darwin Aceberos Delen, 48; Pedro Jagoros Paña, 44, at Michael Sanao Nacio-ngayo, 43, mga taga-Davao City.
Ayon kay P/Major Judjie Barotas ng Magpet Police, nitong nakaraang linggo nang dumating sa sabungan sa Brgy. Gubatan ang mga suspek para mag-inspection at nagpakilalang mga miyembro ng Special Operation Group ng Games and Amusement Board, base na rin sa kanilang ipinakitang ID. Hinihingian umano nila ang may-ari ng sabungan ng P25,000 para sa kanilang permit at ID ng kanyang mga tauhan.
Sa imbestigasyon ng Intelligence Division ng Police Regional Office-12 na hindi konektado ang nasabing grupo sa Games and Amusement Board, kung kaya ikinasa ang entrapment operation.
- Latest