3 dakma sa .P5 milyong shabu
CAVITE, Philippines — Tatlo katao ang nalambat matapos masamsaman ng nasa P.5 milyong halaga ng shabu sa magdamagang drug operation ng pulisya sa Dasmariñas City. Kinilala ng pulisya ang mga suspek na sina Najeb Amatunding Diamla at pinsang si Samiarah Amatunding Riga, kapwa ng Brgy. Esmael at isang Vic Daniel De Guzman ng Brgy. San Simon Dasmariñas City.
Sa ulat mula kay Cavite Provincial Director P/Lt. Col. Marlon Santos, magkasunod na drug operation ang kanilang inilatag sa Brgy. Burol 1 at Brgy. Fatima 1 kung saan nadakma ang mga suspek. Nakuha sa magpinsan ang may mahigit sa 30.6 gramo ng shabu na aabot sa P300,000 ang halaga habang narekober kay De Guzman ang mahigit 25 gramo ng shabu na nagkakahalaga sa P200,000.
Nakarekober din ang grupo ng mga drugs paraphernalia, drug money at marked money na ginamit sa buy-bust.
- Latest
