Lady trader niratrat ng kapitbahay
TUGUEGARAO CITY, Cagayan, Philippines — Malubhang nasugatan ang isang 52-anyos na dalagang negosyante matapos na pagbabarilin ng kapitbahay sa loob ng kanyang sari-sari store sa Brgy. Pussuac, Sto. Domingo, Ilocos Sur noong Linggo.
Ayon kay P/Capt. Christopher Ramat, hepe ng Sto. Domingo Police Station, dakong alas-9:00 ng gabi nang walang pasubaling ratratin ng binatang si Jayvie Torrijos, 27-anyos ang biktima na si Fe Plastina saka tumakas. Isinugod ng mga sumaklolo si Plastinas sa Northside Doctor’s Hospital kung saan siya inoobserbahan habang nadakip sa followup operations ng pulisya si Torrijos sa Brgy. Cabalangegan, Vigan City makalipas ang isang oras subalit nabigong marekober ang ginamit nitong baril.
Bagama’t tumangging magsalita ang suspek, sinabi ni Ramat na maaaring sa paniningil ng utang ni Plastina kay Torrijos nag-ugat ang krimen dahil karaniwan itong banta sa buhay ng dalaga mula sa iba pa niyang sinisingil.
- Latest
