Rider sumemplang, tigok sa van

LEGAZPI CITY, Albay, Philippines – Kamatayan ang sinapit ng isang rider nang sumemplang ang minamanehong motorsiklo ay nagulungan naman ng sumusunod na van naganap sa kahabaan ng Maharlika National Highway sa Purok-7, Brgy. Namantao sa bayan ng Daraga, Albay kahapon ng umaga. Ang biktima na hindi na umabot pang buhay sa Bicol Regional Trai-ning and Teaching Hospital sa Legazpi City ay si Oliver Loria Llacuna, 23-anyos, residente ng Brgy. Kidaco, sa lungsod na ito.

Sumuko naman ang driver ng nakasagasang van   na si Arturo Duka Jr, 41-an-yos, residente ng Brgy. Bitano, Legazpi City.

Sa ulat, dakong alas-7:50 ng umaga, magkasunod na binabaybay ng van na may plate number 050110 ni Duka at walang plakang motorsiklo ni Llacuna ang kahabaan ng highway.

Gayunman, sinubukan ng biktima na mag-overtake sa shoulder ng kalsada sa kanang bahagi pero sumemplang ito at nagulungan ng van.