Mag-utol inararo ng van, kritikal
CAVITE , Philippines — Kapwa kritikal ang kondisyon sa pagamutan ng isang magkapatid makaraan silang araruhin ng van habang tumatawid sa Molino Road, Brgy. Molino 3, Bacoor City kamakalawa ng gabi.
Kinilala ng pulisya ang mga biktima na sina Redentor Marquez III, 23-anyos, at 15-anyos na kapatid na si Darlene Haily; kapwa estudyante at residente ng # 5 Coffee Road Woodestate Village 2, Brgy. Molino 3, Bacoor City, Cavite.
Sa imbestigasyon ni P/SSgt. Alih Rimbang, may hawak ng kaso, alas-11:45 ng gabi nang maganap ang insidente. Magkapit-kamay na tumatawid ang magkuya sa nasabing lugar nang bigla na lamang silang tumbukin ng Isuzu Elf Aluminum van (PCI 993) na nakarehistro sa ESDN Freight Services & Trading Inc., at minamaneho ng isang Christian San Esteban, 27, ng Ramos Compound Pasong Buaya, Imus City, Cavite. Hindi na nakapagpreno ang driver kung kaya tuluyan nitong nabundol ang tumatawid na magkapatid na nagtamo ng matitin-ding pinsala sa katawan at hindi pa nagkakamalay.
- Latest