Mister nakuryente sa poste, tigok
ATIMONAN, Quezon , Philippines — Hindi na umabot pang buhay sa ospital ang isang mister matapos na makuryente sa poste ng ilaw sa Purok Kamagong, Barangay Angeles ng bayang ito, kamakalawa ng gabi.
Kinilala ng pulisya ang biktima na si Albert Llop, 34, may asawa, construction worker at residente ng nabanggit na barangay.
Ayon sa ulat, naglalakad patungo sa kanilang bahay ang biktima dakong alas- 9:00 ng gabi nang aksidenteng mapahawak sa nakalawit na kable ng kuryente sa poste ng barangay street light.
Agad na nagkikisay ang biktima dahil sa lakas ng boltahe ng kuryente na pumasok sa kanyang katawan at mabilis na isinugod sa ospital subalit hindi na nagawang maisalba ng mga manggagamot ang kanyang buhay.
- Latest