PANOORIN: 2 tumilapon sa pagkalas ng carnival ride sa Antipolo
MANILA, Philippines — Disgrasya ang inabot ng ilang nagsasaya sa Ynares Center, Antipolo matapos tumilapon ang sinasakyang ride sa peryahan.
Sa video na in-upload ni Jerwin Dimaisip noong Linggo, makikitang nalaglag ang ilang sumasakay sa "Spiral Jet" matapos kumalas ang ilang bahagi nito.
Sa panayam ng PSN, sinabi ni Dimaisip na taunang may tiangge at peryahan sa nasabing lugar mula Setyembre hanggang Enero.
Ang ilang nakakita tuloy ng insidente, laking gulat sa sinapit ng mga biktima.
Naputol yung rides sa spiral jet tas Kami nasa Vikings sayang saya tas biglang ini stop
— ???????? ????? (@Julz_Toletz) December 29, 2019
Sobrang gulat ko kase sumakay den kami sa rides na yun, medjo delikado nga sha kase tumataas yung seatbelt.
— Hinany (@Hinany7) December 30, 2019
Ayon sa ulat ng News5, sinagot naman ng perya ang pagpapagamot sa dalawang nasugatan sa pangyayari.
Hindi pa naman tumutugon sa panayam ang lokal na pamahalaan ng Antipolo patungkol sa insidente. — James Relativo
- Latest
