3 rider todas sa road mishap
MANILA, Philippines — Tatlong motorcycle riders ang nasawi sa magkakahiwalay na sakuna sa lansangan sa mga lalawigan ng Batangas at Quezon kamakalawa.
Sa ulat ni Calabarzon (Cavite, Laguna, Batangas, Rizal, Quezon) Police Director Brig. Gen. Vicente Danao, dakong alas-2:48 ng madaling araw, sinuwag ng Hinoo SH 1E truck tractor na minamaneho ni Randy Ronquillo ang Kawasaki motorcycle ni Marlo Asi habang kaangkas si Roger Claveria sa kahabaan ng national road, Brgy. San Isidro, Batangas City.
Sa lakas ng pagkakabangga, tumilapon sa motorsiklo sina Asi at Claveria na kapwa nagtamo ng malulubhang sugat sa katawan at idineklarang dead-on-arrival sa Jesus of Nazareth Hospital.
Sa isa pang insidente, alas-10 ng umaga nang mabangga ng isang humahagibis na Hyundai Aerospace bus (UYA-489) na minamaneho ni Allan Perez ang kasalubong na Yamaha Mio125 motorcycle na minamaneho ni Jonathan Lagrazon na lubhang napinsala ang katawan kaya dead-on-the-spot sa insidente.
- Latest
