Parak sumemplang, dedo sa sagas
LUCENA, Philippines — Doble kamalasan ang sinapit ng isang pulis matapos na sumemplang sa sinasakyang motorsiklo at magulungan pa ng rumaragasang behikulo sa gitna ng malakas na ulan na dulot ng bagyong Tisoy sa Diversion Road, Brgy. Domoit, Lucena City nitong Lunes ng gabi.
Agad na nasawi ang biktima na si P/Staff Sergeant Jovel Villanueva, 33-anyos, nakatalaga sa 1st Quezon Provincial Mobile Force Company dahil sa matinding sugat sa ulo. Sa ulat, alas-7:45 ng gabi, habang minamaneho ng biktima ang kanyang motorsiklo papasok sa trabaho nang aksidenteng sumemplang bunga ng madulas na highway.
Nagtangka pang tumayo ang biktima na nagtamo ng bali sa buto at gasgas sa katawan pero sa kamalasan ay nahagip ng paparating na Mitsubishi Fuso Canter Dropside truck (UER 767) na minamaneho ni Raulito Fornilda Quijano, 54-anyos na nasa kustodya na ng pulisya.
- Latest