Dalagita tustado sa sunog
LEGAZPI CITY, Albay, Philippines — Kamatayan ang sinapit ng isang 16-anyos na dalagita nang ma-trap sa nasusunog nilang bahay sa Sitio Coramosan, Brgy. Sooc sa bayan ng Lupi, Camarines Sur, kahapon ng tanghali.
Halos hindi na makilala nang matagpuan ang bangkay ng biktimang si Roxanne Bondoy, may kapansanan sa katawan at residente ng nasabing barangay.
Sa ulat, dakong alas-12:45 ng tanghali nakita na lang ng mga residente na nilalamon ng apoy ang bahay ng biktima.
Hindi na nagawang makalabas ng biktima dahil sa kapansanan habang wala ring mga residente ang nakapasok upang iligtas ito dahil sa lakas ng apoy.
Magkatuwang na iniimbestigahan ng Bureau of Fire Protection at ng munisipyo ng Lupi ang pinagmulan ng sunog.
- Latest