Mister itinumba habang lumalaklak
TUGUEGARAO CITY, Cagayan, Philippines — Patay ang isang 29-anyos na mister matapos pagbabarilin ng ‘di pa natutukoy na gunman habang nakikipaglaklakan sa bahay ng kanyang kaibigan sa Barangay Zone 2, San Mariano, Isabela noong Miyerkules.
Sa ulat ng pulisya, bigla na lamang tumambad ang killer sa harap ni Marcelino Marimla, saka ito niratrat sa dibdib at tumakas dakong alas-6:15 ng gabi.
Naiwan namang tulala ang kainuman ni Marimla na si Danny Pauig na natalsikan pa ng dugo.
Sinikap na isugod ng mga sumaklolo si Marimla sa San Mariano Community Hospital kung saan siya idineklarang dead-on-arrival.
Inaalam pa ng mga imbestigador kung may kinalaman sa matagal ng alitan, love triangle, o drug trade ang motibo sa naturang pamamaslang.
- Latest