3 BIFF terrorist utas sa engkwentro

WESTERN MINDANAO, Philippines — Tatlong terorista na mi­yembro ng Bangsamoro Islamic Freedom Fighters (BIFF) ang napaslang sa isi­nagawang operasyon ng militar na nagbunsod ng engkuwentro sa Shariff Saydo- na Mustapha, Maguindanao kahapon.

Ayon kay AFP-Western Mindanao Command (AFP-West­mincom) Spokesman Major John Arvin Encinas, ang bangkay ng mga tero­ris­ta ay narekober ng tropa ng  33rd Infantry Battalion ng Phi-lippine Army at 12th Special Forces Company sa isinagawang clearing operation sa lugar bandang ala-1 ng hapon.

 Sinabi ni Encinas na nagsagawa ng surgical operation ang Joint Task Force Central laban sa gru­po ng BIFF sa ilalim ng paks­yon ni Bungos kahapon ng umaga. Ilang oras matapos ang bakbakan, nagsitakas ang mga kalaban at agad na nagsagawa ng combat clearing operations ang mga sundalo.

Narekober sa encounter site ang isang 5.56mm K2 assault rifle at isang cal. 45 pistol.

Samantala, sa clearing operation ng 57th Infantry Battalion sa Brgy. Pamalian, Shariff Saydona ay narekober ang tatlong M16 rifle, tatlong improvised explosive device (IED) at anim na improvised hand grenade na naiwan ng BIFF terrorists sa pagmamadaling tumakas.

Inihayag naman ni AFP-Westmincom Chief Lt. Gen. Cirilito Sobejana na magpapatuloy ang surgical ope­rations ng tropa ng mga sundalo laban sa nalalabi pang miyembro at mga opis­yal ng BIFF na namumugad sa Central Mindanao.