Tanod niratrat, todas
CAVITE, Philippines — Isang barangay tanod ang nasawi nang tambangan at pagbabarilin siya ng isa niyang kaalitan sa may palengke ng Barangay Bayan Luma 2, Imus, Cavite kamakalawa.
Kinilala ng pulisya ang biktima na si Alden Macaombao, 41, may asawa, ng Barangay Bayan Luma 2. Nakaligtas naman sa insidente ang asawa niyang itinago sa pangalang Lanie na kaangkas niya sa isang motorsiklo nang maganap ang krimen.
Mabilis namang naka-takas ang suspek na si Nair Sarip, nasa hustong gulang, residente din ng Brgy. Bayan Luma 2.
Sa nakalap na ulat mula kay Cavite Provincial Director P/Lt. Col. Marlon Santos, pauwi na mula sa naturang palengke sina Macaombao at asawa nito lulan ng motorsiklo nang harangin sila ng suspek at walang sabi-sabing pinagbabaril nito ang biktima.
Duguang tumimbuwang ang biktima habang masu-werte namang galos lang ang tinamo ng misis nito sanhi ng pagsemplang ng motor.
Kasalukuyang pinagha-hanap ang suspek at inaalam pa ang posibleng motibo ng insidente.
- Latest