Magpinsan todas sa lunod

NORTH COTABATO, Philippines — Patay ang isang magpinsang paslit nang malunod matapos ta-ngayin ng ilog sa Sitio Salkan, Brgy. Paraiso, Koronadal City.

Kinilala ang nasa-wing magpinsan na sina Raymund Awan at Regie Bay Sabang, kapwa 4-anyos at mga residente ng Sitio Salkan.

Sa ulat ni Barangay Chairman Samuel Velarde na unang nakita pasado alas-8:00 ng umaga kahapon ang isa sa mga ito sa ibabang bahagi ng tulay papuntang Purok Pagunsan ng nasabing lugar.

Lumobo na umano ang katawan ng bata at halos hindi na makilala.

Makalipas ang ilang oras na search and retrieval operation, nakita ang isa pang biktima sa Purok Sto. Niñong barangay.

Natatabunan uma­no ng lupa, mga ka­wa­yan at punong kahoy ang mga bangkay nang marekober.

Huling nakita ang da­la­wa na naglalaro malapit sa ilog nang bigla umanong tumaas ang tubig at tinangay ang mga ito.