Rider durog sa motorcycle crash
LEGAZPI CITY, Albay, Philippines — Isang ‘di pa natutukoy na lalaking motorcycle rider ang nasawi matapos na sumalpok ang minamanehong motorsiklo sa isang tailoring shop sa gilid ng Maharlika National Highway sa Brgy. Balogo, Sorsogon City, Sorsogon, kamakalawa ng hatinggabi.
Sinubukan pang isugod ng mga rumespondeng City Rapid Response Personnel sa Sorsogon Provincial Hospital ang biktima ngunit idineklarang patay. Wasak naman ang Rusi motorcycle na minamaneho nito na walang plate number.
Sa ulat, dakong alas-11:30 ng gabi nang magulantang ang mga residente sa ma-lakas na ingay nang sumalpok ang motorsiklo ng biktima sa Elegance tailoring shop na pag-aari ng nagngangalang Isagani Dispabiladeras.
Sa lakas umano nang pagkakabangga tumilapon ang biktima ng ilang metro at humampas ang ulo sa sementadong kalsada. Pinaniniwalaang naidlip habang nagmamaneho ang biktima dahilan ng aksidente.
- Latest
