Basa babandera sa BEST-Philippines sa pagsabak sa Bangkok meet
MANILA, Philippines — Hangad ng Behrouz Elite Swimming Team-Philippines (BEST-Philippines) na humakot ng medalya sa pagsisimula ng kanilang kampanya ngayong araw sa 2019 HRH Princess Maha Chakri Sirindhorn’s Cup sa Royal Bangkok Swimming Club sa Bangkok, Thailand.
Babanderahan ni Julia Ysabelle Basa ng Mariveles, Bataan ang ratsada ng mga Pinoy tankers sa pagsabak sa siyam na events sa girls’ 11-12 category.
Magpapasiklab din si Mohammad Behrouz Mojdeh na magtatangkang humakot ng gintong medalya sa boys’ 7-8 division.
Susubukan naman ni Bran Rafael Gregore ng Babiera Swimming Team na makapag-ambag ng medalya sa boys’ 13-14 gayundin sina Swimming Pinas standouts Ivan Radovan at Lance Lotino at sina Ashley Anne Alvarez, Christ Jade Andal, Shaina Marie Andal, Angela Marifelle Babiera, Lia Mareille Babiera, David Buenavista, Dawn Camacho, Ashby Canlas, Julian De Kam, Aidepp De Luna at Peter Cyrus Dean.
“We had a quick training (last Thursday) in the competition venue to test the waters. They are all set, raring to go and win medals for our country. Some of them are already veterans of international competitions but a lot of them are first-timers and they’re excited,” pahayag ni delegation head Marilet Basa.
- Latest