Mister todas sa pamamaril
CAVITE, Philippines – Isang mister ang nasawi matapos pagbabarilin sa harap mismo ng kanyang misis ng ‘di pa nakikilalang salarin makaraang ihatid ang misis sa pinagtatrabuhang kumpanya, naganap kamakalawa sa Brgy. Bancal, Carmona, Cavite.
Dead-on-the-spot ang biktimang si William Reyes Orias, nasa hustong gulang, residente ng nasabing lugar.
Hindi naman nakilala ang suspek na agad na tumakas sakay ng ‘di naplakahang motorsiklo matapos ang pamamaslang.
Sa ulat ng pulisya, alas-7:50 ng umaga nang maganap ang insidente sa kahabaan ng Governors Drive, sa naturang lugar, kung saan inihatid ng biktima ang misis nito sa Marcbuilt Company.
Nang makababa na ang misis ng biktima sa motor nito na Suzuki motorcycle na may plate no. 9821WH at paalis na sana ito nang biglang dikitan ng suspek na sakay din ng isang motor at dito pinagbabaril ang biktima.
Patuloy ang imbestigasyon ng mga otoridad sa natu-rang kaso.
- Latest
