Birthday party grinanada: Grade 7 stude, 2 pa sugatan

KIDAPAWAN CITY, Philippines –Tatlo katao ang sugatan kabilang ang isang Grade 7-student matapos hagisan ng granada habang nasa isang birthday party ang mga ito sa Pruok 4, Brgy. Bagolibas, Aleosan, North Cotabato, Lunes ng hapon.

Kinilala ni Aleosan PNP Chief Police Captain Arvin John Cambang ang mga biktima na sina Eleuterio Macaya Cantomayor, 64-anyos, may asawa; Randy Poja Cantomayor, 44-anyos, may-asawa; kapwa magsasaka at isang Grade-7 student, pawang residente sa nabanggit ng lugar.

Sa ulat, alas-4:55 ng hapon habang nasa isang kasiyahan ang tatlo nang bigla na lang dumating ang tatlong suspek sakay ng isang asul na Kawasaki Baja motorcycle  at naghagis ng granada na sumambulat sa lugar na ikinasugat ng tatlong biktima.

Agad na naisugod ang tatlo sa pagamutan habang patuloy ang imbestigasyon ng pulisya sa motibo ng krimen.