Kagawad binistay ng bala
LEGAZPI CITY, Albay, Philippines — Bulagta sa kanya mismong tricycle na puno ng sako ng copra ang isang 40-anyos na kagawad nang pagbabarilin ng hindi nakilalang mga suspek sa Brgy. San Antonio sa bayan ng Barcelona, Sorsogon kamakalawa ng hapon.
Napuruhan ng punglo sa katawan at agad nasawi ang biktimang si Bernabe Gallor Estiller, barangay kagawad at residente ng Brgy. Sta. Lourdes. Hindi naman nakilala ang mga suspek na tumakas patungo sa hindi malamang direksyon lulan ng motorsiklo.
Sa ulat, dakong alas-2:15 ng hapon, pababa ng bayan ang kagawad at minamaneho ang kanyang motorsiklo para magdeliber ng sako-sakong kopra nang tambangan at pagbabarilin ng salarin.
- Latest