Mag-asawa sinuwag ng bus: Misis patay
LUCENA CITY, Philippines — Hindi na umabot pang buhay sa ospital ang isang misis na backrider ng kanyang mister sa motorsiklo makaraang banggain ng sumusunod na Bicol bound na passenger bus sa diversion road sakop ng Barangay Bocohan, dito, kamakalawa ng gabi.
Nagtamo ng grabeng pinsala sa ulo at katawan ang biktimang si Rachell Ann Santiago, 21, ng Purok Ilang-ilang, Brgy. Gulang-Gulang samantalang kritikal ngayon sa Lucena United Doctors Hospital (LUDH) ang mister nitong si Mark Joseph Santiago, 27, isang gas pump attendant.
Sa ulat ni P/Lt.Col. Romulo Albacea, chief of police dito, dakong alas-10:30 ng gabi habang minamaneho ni Mark ang Honda motorcycle at angkas ang asawa nang banggain sila sa hulihan ng kasunod na bus ng De la Rosa Bus Liner (CAI-5441) na minamaneho ni Isagani Pugay, 48, ng Brgy. Ibabang Dupay, Lucena City. Tumilapon ang mag asawa at nasagasaan pa ng nasabing bus. Makalipas ang kalahating oras, sumuko sa PCP Station sa Barangay Domoit ang driver ng nasabing bus.
- Latest