Mag-asawa tiklo sa P1.2 milyong shabu
NORTH COTABATO, Philippines — Arestado ang mag-asawa na umano’y tulak ng droga matapos na mahulihan ng nasa 175 gramo ng shabu na nagkakahalaga ng humigit kumulang sa P1.2 milyon sa ikinasang search warrant operation ng mga awtoridad sa kanilang mismong bahay sa Sitio Galay, Barangay Kibayao sa bayan ng Carmen, lalawigang ito kahapon ng madaling araw.
Kinilala ang mga nadakip na sina Jomar Sampulna at misis na si Noraisa. Ang operasyon laban sa mag-asawa ay ikinasa ng pinagsanib na puwersa ng Carmen MPS, PDEA Cotabato Province, 602nd Brigade at 4th SAB PNP SAF, alas-2:45 ng madaling araw.
Sa ulat ni P/Brig. Gen. Alfred Sotto Corpus, matagal nang minamanmanan ng mga otoridad ang mag-asawa na sinasabing sangkot sa malakihang drug trading na noon ay nakatira pa sa Ulandang, Midsayap.
- Latest