Pamilya pinasok, niratrat: 2 dedo, 3 sugatan
RIZAL, Philippines —Dalawa ang patay kabilang ang isang bata at tatlo ang malubhang nasugatan sa isang pamilya makaraan silang pasukin at pagbabarilin ng hindi pa nakikilalang mga suspek sa loob ng kanilang bahay sa Baras, lalawigang ito kamakalawa ng gabi.
Sa inisyal na ulat ng Baras Municipal Police, kapwa dead-on-arrival sa Antipolo City Hospital Annex sina Jeszabel Tolibas, 11-anyos, estudyante, at Leimuel Tolibas, 20, out-of-school youth, habang sugatan naman sina John Joven Tolibas, 9; Erica Tolibas, 16, at Ricky Capistrano dahil sa mga tama ng bala sa iba’t ibang bahagi ng kanilang katawan.
Nabatid na dakong alas-10:00 ng gabi nang makatanggap ng tawag ang mga pulis hinggil sa naganap na pamamaril sa Block 7E, Southville 9, sa Brgy. Pinugay.
Natagpuan ng mga pulis ang mga sugatang biktima na agad na isinugod sa naturang pagamutan pero dead-on-arrival sina Jeszabel at Leimuel.
- Latest