Salpukan ng 2 motor: 2 tigok, 1 grabe

TUGUEGARAO CITY, Cagayan, Philippines — Dalawang rider ang nasawi habang malubha ang isa pa matapos magsalpukan ang kanilang mga motorsiklo sa Brgy. Lanna, Solana, Cagayan kahapon. Kinilala ni Staff Sergeant Ronnie James Canapi ang mga namatay na sina Raymund Rondares, 28-anyos at isang natukoy lamang sa pangalang “Joshua”.

Ayon kay Canapi, galing sa laklakan sina Joshua at backrider nitong si Fredie Campit, 31, na tubong Marilao, Bulacan nang salpukin nila si Rondares dakong hatinggabi. Isinugod ng mga sumaklolo ang tatlo sa Cagayan Valley Medical Center dito subalit idineklarang patay ang dalawang nabanggit na drayber ng motorsiklo.

Sinabi ni Canapi na hindi makausap nang matino ang sugatang si Campit dahil sa sobrang kalasingan upang matukoy sana ang buong pangalan ng kasama niyang namatay.