Retiradong parak patay sa ambush
MANILA,Philippines — Patay ang isang retiradong pulis matapos tamba-ngan at pagbabarilin ng motorcycle riding-in-tandem sa highway ng Brgy. Tomana West sa Rosales, Pangasinan nitong Lunes ng madaling araw.
Kinilala ang nasawi na si Danilo Macaraeg, 51-anyos, may asawa at residente ng Brgy. Salvacion, Sto. Tomas, Pangasinan. Siya ay nagtamo ng mga tama ng bala sa iba’t ibang bahagi ng katawan at binawian ng buhay habang nilalapatan ng lunas sa Dr. Chan Hospital.
Sa ulat ng Rosales Police, dakong alas-2:10 ng madaling araw, habang lulan ng motorsiklo ang biktima at bumabagtas sa provincial road ng Brgy. Tomana West patungo sa silangang direksyon nang pagbabarilin ng mga salarin sanhi upang duguang tumilapon sa motorsiklo.
Matapos ang pamamaril, tumakas ang mga suspek sa ‘di malamang direksyon.
- Latest
