Bagong silang sa beybi itinapon sa kakahuyan

LEGAZPI CITY, Albay , Philippines — Hinahanap na ang isang ina matapos na itapon ang kanyang bagong panganak na babaeng sanggol sa ilalim ng mga kahoy na bakawan malapit sa dagat sa Brgy. Bonot sa bayan ng Calabanga, Camarines Sur kamakalawa ng hapon.

Himala namang nakaligtas ang sanggol na patuloy na inoob-serbahan sa ospital na pinangalanan ng mga residenteng nakakuha sa kanya na si “Angela Mirah”.

Patuloy pang ina­alam ng mga pulis    ang pagkakakilanlan ng nanay o suspek na posibleng nagtapon ng kanyang anak.

Sa ulat, dakong alas-4 ng hapon, nari-nig ng ilang mga bata na naninirador ng ibon ang iyak at palahaw ng isang sanggol mula sa bakawanan.

Agad nilang hina­nap at natagpuang nakadapa ang sanggol na nakakabit pa ang kanyang umbilical cord at placenta habang kalunus-lunos ang kalagayan nito dahil pinapak na ang mukha at ilang bahagi ng katawan ng mga langgam.

Humingi ng saklolo ang mga bata at isinugod ng mga rumespondeng rescuer ng bayan ang sanggol sa Rural Health Unit ng Calabanga para sa paunang lunas saka isinugod sa Bicol Medical Center sa Naga City.