Trader dedo, pamangkin sugatan sa pamamaril
MANILA,Philippines — Patay ang isang negosyante habang sugatan ang pamangkin nito matapos silang pagbabarilin ng hindi pa nakikilalang suspek sa Purok Pag Asa, Rosales Extension, Brgy. Rosary Heights 6, Cotabato City, kamakalawa ng gabi.
Nakilala ang nasawi na si Allan Benito, 43-an-yos habang sugatan naman ang pamangking si Datu Prince Balao na parehong taga-San Vicente Street, Cotabato City.
Sa inisyal na report ng City Police, pasado alas-7:00 ng gabi nang iparada umano ng mga biktima ang kanilang sasakyan sa lugar nang lapitan sila ng suspek at pinagbabaril gamit ang cal. 45 pistol.
Nagtamo ng tama ng bala sa mukha at dibdib si Benito sanhi ng kanyang agarang pagkasawi habang sa tiyan at hita naman ang tama ni Balao na ginagamot sa ospital.
- Latest