Bagong laya sa droga, utas sa buy-bust
Patay ang isang bagong laya pa lang sa kasong droga matapos manlaban sa mga otoridad sa isinagawang buy-bust operation ng mga tauhan ng Gen. Mariano Police sa Mayor’s Drive, Brgy. Delas Alas, sa lalawigan ng Cavite, kahapon ng madaling araw.
Ang tumimbuwang na suspek ay si Perk Lebrojo, 38, residente ng B7, L11, Brgy. Poblacion 2, GMA, Cavite.
Sa ulat, ikinasa ang operasyon labang sa suspek sa naturang lugar dakong alas-12:15 ng madaling araw matapos na muling magpositibo na nagpatuloy ito sa pagtutulak ng droga.
Sakay ng isang motorsiklo nang dumating ang suspek sa pinag-usapang lugar kung saan isang pulis ang tumayong buyer. Ngunit nakatunog umano ito na pulis ang kanyang ka-deal kung kaya’t agad na bumunot ng baril at pinaputukan ang pulis na agad namang nakaganti na nagresulta sa pagkamatay ng suspek.
Nabatid mula kay P/Major Romulo Co dela Rea, hepe ng pulisya sa naturang bayan na may dalawang buwan pa lang umanong nakakalaya sa kaso ring droga ang napatay na suspek.
- Latest