Seaman lasog sa trak

LOPEZ, Quezon, Philippines – Halos mahati ang katawan ng isang seaman makaraang masalpok at masagasaan ng trak habang lulan ng motorsiklo sa Maharlika Highway, Brgy. Magsaysay ng bayang ito, kamakalawa ng gabi. 

Kinilala ang biktima na si Lemuel Cesar Arandela, 24, binata ng Brgy. Talolong habang nakakulong sa municipal jail ang driver ng nakasagasang truck na si Joebert Ayud, 39, ng Leyte.

Sa ulat, alas-11:40 ng gabi habang sakay ng Yamaha Mio motorcycle ang biktima at binabagtas ang kahabaan ng Maharlika Highway nang banggain at gulungan pa ng Manila bound na Fuzo truck ( AZK-5269). Napuruhang magulungan sa tiyan ang biktima na nadala pa sa ospital subalit nalagutan doon ng hininga.