Charger sumabog, ex-sekyu tigok
SANTIAGO CITY, Isabela, Philippines — Isang dating security guard ang natagpuang patay matapos umanong makur-yente dahil sa pagsabog ng charger ng kanyang cellphone sa bayan ng Lal-lo, Cagayan, ayon sa ulat kahapon.
Kinilala ang nasawing biktima na si Rogelio Fontiveros, 57, at nag-iisang naninirahan sa kanyang tahanan sa Brgy. Centro, Lal-lo ng nasabing lalawigan.
Napag-alaman na pinuntahan ng kanyang kapatid na si Virginia Hermosora ang biktima sa bahay nito matapos na hindi makontak sa cellphone ng isa pa nilang kapatid na si Rogelio Fontiveros na nasa abroad noon pang Biyernes ng gabi.
Pero laking gulat ni Virginia nang dakong ala-1:45 ng hapon nitong Linggo nang madiskubre nito na wala nang buhay at nangangamoy na ang bangkay ng kapatid sa kanyang silid.
Batay sa isinagawang pagsusuri ni Dra. Visitacion Pablo, ang biktima ay nasawi matapos makuryente sa sumabog na charger ng kanyang cellphone na nakita pa ng mga awtoridad na nakasaksak sa isang extension wire sa loob ng kanyang kuwarto.
- Latest