‘Tulak’ na killer ng 19-anyos, 1 pa bulagta sa shootout
MALOLOS CITY, Bulacan, Philippines — Kapwa patay ang isang talamak na tulak na siya ring itinuturong suspek sa tangkang panggagahasa at pagpatay sa 19-anyos na dalaga, at isa pang pusher sa magkahiwalay na drug operations ng pulisya sa Meycauayan at San Jose del Monte City, sa lalawigan, iniulat kahapon.
Kinilala ni P/Lt. Col Aquino Olivar, hepe ng Meycauayan City Police, ang napatay na suspek na si Jomari Satur dela Peña alias Tomtom, 25, binata ng Maligaya St. Brgy. Pajo ng nasabing siyudad. Siya ang itinuturong responsable sa pagpatay sa estudyanteng si Lezzel Jadlos ng No. 426 Maligaya St., Brgy. Pajo ng nasabi ding siyudad noong Setyembre 22, 2019 dakong alas-12:30 ng madaling araw matapos na pasukin nito ang kuwarto ng biktima. Nanlaban at nagsisigaw ang biktima nang pagtangkaan siyang halayin ng suspek kung kaya siya pinagsasaksak ng kitchen knife.
Narekober sa lugar ang isang cal .38 revolver, 11 plastic sachet ng shabu at buy-bust money.
Samantala, napatay din sa San Jose del Monte City kamakalawa ng madaling araw ang umano’y tulak na si Emmanuel Cabantog ng Caloocan City sa buy-bust sa Brgy. Gaya-Gaya ng nasabing siyudad. Narekober dito ang 3 plastic sachet ng shabu, isang cal .9mm pistol at buy-bust money sa lugar.
- Latest
